Ялхуçалăхĕ, çав шутра выльăх- чĕрлĕх отраслĕ лайăх аталанса пынинче ветеринари ĕçченĕсен тỹпи те пур. Сывă та таса выльăх ĕрчетесси, унпа пĕрлех паха продукци илесси вĕсенчен нумай килет. Ялхуçалăх ĕçченĕсен уявĕнче районти ветеринари службинче вăй хуракансен ĕçне те палăртрĕç. Район администрацийĕн Хисеп грамотине уявра ветслужбăра нумай çул тỹрĕ кăмăлпа ĕçленĕшĕн Атнарти ветеринари участокĕн заведующийĕ Любовь Можайкина, Уйпуçĕнчи ветеринари участокĕн заведующийĕ Светлана Кириллова, Мишеркассинчи ветеринари участокĕн заведующийĕ Алина Музякова, Штанашри ветеринари участокĕн заведующийĕ Галина Софронова, Хурашашри лечебницăн тата Хĕрлĕ Чутайри чĕрчунсен чирĕсемпе кĕрешекен станцин ветеринари фельдшерĕсем Надежда Кузнецовапа Надежда Окайкина, ветстанцин ертсе пыракан бухгалтерĕ Валентина Самылкина, Виктор Чубайкин водитель тивĕçрĕç. Çакă вĕсене малашне те тăрăшуллă ĕçлеме хавхалантарса тăрĕ.
А.ДМИТРИЕВА.