Хаклă ентешсем! Хисеплӗ Аслă Отечественнăй вăрçă ветеранĕсем тата тыл ĕçченĕсем!

Сире Тӑван Ҫӗршывӑн Аслӑ вӑрҫинче ҫӗнтернӗренпе 79 ҫул ҫитнӗ ятпа пӗтӗм чунтан саламлатӑп!

Çĕнтерÿ кунĕ - пуриншĕн те пысăк та савăнăçлă уяв. Çак кун эпир пире мирлĕ те телейлĕ пурнăç парнеленĕ ветерансене, çĕнтерÿшĕн вăй хунă тыл ĕçченĕсене чун-чĕререн тав тăватпăр, вĕсен умĕнче çĕре çити пуç таятпăр.

Кирек мӗн чухлӗ вӑхӑт иртсен те, вӑрҫӑ нушисене чӑтса ирттернӗ, ҫапӑҫу хирӗнче тӑшманпа куҫа-куҫӑн ҫапӑҫнӑ ҫынсен тӗлӗнмелле паттӑрлӑхӗ нихӑҫан та манӑҫа тухмӗ.

Паянхи лăпкă мар лару-тăрура чăн-чăн паттăрсем, Тăван Çӗршыв хӱтӗлевçисем Украинăри ятарлӑ ҫар операцине хутшӑнса тăшмана хирӗç кӗрешеҫҫӗ. Эпир пирӗн хӱтӗлевçӗсене, атте-асаттесем пекех, çӗнтерӳпе таврӑнасса кӗтетпӗр.

Сире пурне те çирĕп сывлăх, вăрăм кун-çул, ӑнӑçу сунатăп. Аслӑ Ҫӗнтерӳ кунӗ ячӗпе!

Муниципаллă округ пуçлăхӗ                   И.Н. Михопаров