Поздравление руководства района с Днем знаний
Хаклӑ шкул ачисемпе студентсем! Хисеплӗ педагогсем тата ашшӗ-амӑшӗ!
Сире Пӗлӳ кунӗпе тата ҫӗнӗ вӗренӳ ҫулӗ пуҫланнӑ ятпа пӗтӗм чун-чӗререн саламлатпӑр!
Пӗлӳ кунӗ вӑл – чи ҫутӑ та савӑнӑҫлӑ уяв, туссемпе, вӗрентекенсемпе, ҫӗнӗ пӗлӳпе, хӑнӑхупа тӗл пулнă самант. «Ĕмĕр пурăн, ĕмĕр вĕрен», – тенӗ пирӗн мӑн асаттесем. Ҫак сӑмахсенче – кашни ҫыншӑнах ҫитӗнӳ тупсӑмӗ пур.
Ҫак кун пӗрремӗш класра вӗренекенсем уйрăмах саламлă сăмахсене тивӗҫлӗ – вӗсемшӗн шкул пӗрремӗш хут алӑкӗсене уҫать. Вунпӗрмӗш классемшӗн вара - тӑван шкулта вӗренмелли юлашки вӗренӳ ҫулӗ. Ăнăçусем çӗнсе илме вӗренекенсемшӗн, педагогсемшӗн, ашшӗ-амӑшӗсемшӗн кашни кун тухӑҫлӑ пултӑр тетпӗр. Ҫӗнӗ вӗренӳ ҫулӗ сире нумай савӑнӑҫлӑ пулӑм парнелессе шанса тӑратпӑр. Пурсӑра та ҫирӗп сывлӑх, тарӑн пӗлӳ илме иксӗлми вӑй-хал, ҫӗнӗ ҫитӗнӳсем тата лайӑххине яланах ӑша хывса пыма сунатпӑр.
Ҫӗнӗ вӗренӳ ҫулӗпе!
Район пуçлăхě В.И. Мурайкин
Район администрацийěн пуçлăхě И.Н. Михопаров