Цифра çине куçма ĕлкĕртĕр-и?
Пĕрремĕшпе иккĕмĕш мультиплекса кĕрекен каналсен аналог версийĕ малашне пулмассине хаçат страницисенче унччен те пĕлтернĕччĕ. Пирĕн республикăра ăна апрелĕн 15-мĕшĕнче сỹнтереççĕ.
Цифра телекуравне пăхассипе çыхăннă ыйтупа Чăваш Енре 8 (8352) 26-11-11 номерпе "хĕрỹ лини" ĕçлеме пуçланăранпа специалистсем патне 877 хутчен шăнкăравланă. Вăл номерпе сĕнỹ-канаш ыйтма çеç мар, телевизора çĕнĕлле ĕçлеттерме пулăшакан волонтерсене те чĕнсе илме пулать. Ун пек заявкăсене 217 хутчен шута илнĕ. Волонтерсем 170 киле çитме ĕлкĕрнĕ.
Аса илтеретпĕр: "хĕрỹ лини" апрель уйăхĕн 14-мĕшĕ таран тунтикунран пуçласа эрнекунччен 9-тан 18 сехетчен ĕçлет. Апрелĕн 15-28-мĕшĕсенче - тунтикунран пуçласа шăматкунччен 8-тан 20 сехетчен. Апрелĕн 29-мĕшĕнчен пуçласа июнĕн 2-мĕшĕччен - тунтикунран пуçласа эрнекунччен 9-тан 18 сехетчен.
А.ВАСЮКОВА.