ЧР Патшалăх Канашĕн депутачĕ, Чăвашпотребсоюз Канашĕн председателĕ Валерий Павлов пуçарăвĕпе декабрĕн 26-мĕшĕнче районти Культура çуртĕнче сахал тупăшлă, йывăр лару-тăрури, нумай ачаллă çемьесенчи ачасем валли Çĕнĕ çул елки иртрĕ. Кăçалхипе саккăрмĕш хут иртнĕ уявăн программине ытти чухнехи пекех районти социаллă хỹтлĕх пайĕн ĕçченĕсем йĕркелерĕç, вĕсене "Хĕвел" ача сачĕн ĕçченĕсем пулăшрĕç.

Хĕл мучипе, Юрпикепе тата юмахри ытти сăнарсемпе пĕрле капăр чăрăш тавра савăнакан ачасене Раççей Федерацийĕн Патшалăх Думин депутачĕ Николай Малов, "Единая Россия" партин регионти уйрăмĕн секретарĕ Юрий Кислов, Чăваш Республикин Патшалăх Канашĕн депутачĕ Валерий Павлов, район пуçлăхĕ Александр Степанов, райадминистраци пуçлăхĕ Александр Башкиров саламларĕç, пылак парнесем парса савăнтарчĕç.

Ачасем депутат елкинче чылайччен савăнчĕç, уявпа кăмăллă юлчĕç.

А.ТИМОФЕЕВА.