Потребкоопераципе предпринимательлĕх ĕçченĕсен Спартакиади ишессипе иртнĕ эстафетăпа вĕçленнĕ. Чăвашпотребсоюз тытăмне кĕрекен предприятисемпе организацисен 21 команди Канаш районĕнчи Шăхасанти "Импульс" физкультурăпа спорт комплексĕнче ăмăртнă.

Чи малтанах Чăвашпотребсоюзăн предприятийĕсемпе организацийĕсен ертỹçисем валли vip-ишев йĕркеленĕ. Унтан районсенчи потребительсен обществисен командисем (кашнинче 3 арçын тата 2 хĕрарăм) пĕр-пĕрин хушшинче тупăшнă. Ишес енĕпе чи хăвăртрах пулнине Элĕк райповĕнче тăрăшакансем çирĕплетсе панă. Хĕрлĕ Чутай райповĕ иккĕмĕш вырăн йышăнма пултарнă. Йĕпреç райповĕ виççĕмĕш вырăна тухнă.

Çĕнтерỹçĕсене Чăвашпотребсоюзăн тата потребительсен кооперацийĕпе предпринимательлĕх ĕçченĕсен республикăри профсоюзĕн дипломĕсемпе сертификачĕсене парса хавхалантарнă.

Н.ПЕТРОВА.