Пĕтĕм Раççейри С.А.Герасимов ячĕллĕ патшалăх кинематографи институчĕ 100 çул тултарнине халалласа ирттернĕ "24 кадр" викторинăна пĕтĕмлетнĕ. Викторина кăçалхи июнĕн 13-мĕшĕнчен пуçласа сентябрĕн 20-мĕшĕччен пынă. Унăн тĕллевĕ - совет кинорежиссерĕн, киноактерĕн, сценаристăн, драматургăн, педагогăн, ВГИК профессорĕн биографийĕпе паллаштарасси, çамрăксене хушма литература вулассине явăçтарасси.

Викторинăна районти шкулсенчи ултă вĕренекен те хутшăннă. Вĕсем "24 кадр" викторинăра çĕнтерме пултарнă: Питĕркасси шкулĕнчи Д.Михопарова, Ю.Канцеляров, А.Морякова, Д.Филиппов, Д.Сядайкина тата Хĕрлĕ Чутай шкулĕнчи А.Ярабаев.

А.АЛЕКСЕЕВА.