Райадминистрацин ялхуçалăх пайĕ пĕлтернĕ тăрăх, районти ялхуçалăх предприятийĕсем кĕрхи культурăсене акса пĕтернĕ. Çанталăк лайăх тăнипе усă курса ял ĕçченĕсем кĕрхисене 1509 гектар çинче акса хăварнă. Кĕрхи культурăсене ытларах "Коминтерн" ЯХПК çĕрĕсем йышăнаççĕ. Кунта кĕрхи тырпула 620 гектар çинче акнă. Çак енĕпе "Нива" ЯХПК ĕçченĕсем те аван ĕçленĕ - кĕрхисем 370 гектар йышăнаççĕ. "Свобода" колхозра вăй хуракансем кĕрхи культурăсене 232 гектар çинче акнă.

Халĕ "Коминтерн" тата "Нива" ЯХПК-сен ĕçченĕсем кукурузăна ешĕл апатлăх пуçтарассипе тимлеççĕ. "Коминтерн" хуçалăхра ăна 280 гектар çинчен пуçтарса кĕртнĕ (120 гектар çинчен пуçтармалли юлнă), "Нивара" - 50 гектар çинчен. "Свобода" колхозра кукурузăна пуçтарса илнĕ ĕнтĕ. Унăн лаптăкĕ кунта 28 гектар йышăнать.

А.ВАСЮКОВА.