Нумаях пулмасть Раççейĕн Çутĕç министерстви чи лайăх учительсен конкурсне пĕтĕмлетнĕ. Пурĕ асăннă конкурсра çĕршыври пĕр пин вĕрентекен çĕнтернĕ, çав шутра пирĕн республикăран - 9 учитель.

Палăртмалла, чи лайăх учительсен шутне кĕнисем хушшинче Енкĕлтре çуралса ỹснĕ, иртнĕ ĕмĕрĕн 80-мĕш çулĕсенче Серенкасси шкулĕнче ĕçленĕ Валерий Иванович Кудряшов та пур. Хальхи вăхăтра Валерий Кудряшов Шупашкарти 49-мĕш шкулта технологи учителĕнче тăрăшать. Çĕршыв шайĕнче палăрма пултарнă учи-тельсем 200 пин тенкĕпе танлашакан укçа хавхалантарăвне тивĕçеççĕ.

Сăмах май, районти шкулсенче ĕçлекен учительсем те тĕрлĕ çулсенче çак сумлă конкурсра пĕрре кăна мар çĕнтернĕ, вĕсен шутĕнче Хĕрлĕ Чутай шкулĕнчи Елена Орлова, Эдуард Романов, Валентина Кудряшова, Мăн Этмен шкулĕнчи Николай Полозин.

А.ТИМОФЕЕВА.