Августăн 24-мĕшĕнче районта студентсемпе çамрăксен "Пуласлăх пирĕнте" вунпиллĕкмĕш фестивалĕ иртет. Çак фестивале çулленех "Вĕрентỹ аталанăвĕ" муниципаллă программăн "Чăваш Республикинчи Хĕрлĕ Чутай районĕн çамрăкĕсем" çумпрограммине пурнăçланă май тата çамрăксен канăвне йĕркелес, патриотизм туйăмне вăйлатас, хĕрупраçпа яшсен пултарулăхне уçса пама пулăшас тĕллевпе ирттереççĕ. 11-14 сехетсенче районти "Хастар" спорт комплексĕн стадионĕ фестивале халалланă ăмăртусене йыхравлать. Унтан 15 сехетре çамрăксем районти Культура çурчĕ умне пухăнса автобуспа çулçỹреве тухĕç, тĕрлĕ предприятисемпе организацисене ("Коминтерн" ЯХПК, музей, "Атадорс", "Хĕвел" ача сачĕ тата ытти те) çитсе курĕç, вĕсен ĕçĕпе паллашĕç, çавра сĕтел иртĕ. Фестиваль районти Культура çурчĕ умĕнче 19 сехетре пуçланĕ. Унта кашни ял тăрăхĕн команди хутшăнмалла.

Ял тăрăхĕсен çамрăкĕсен пултарулăхĕпе паллашнă хыççăн ташă каçĕ пулĕ.

А.АЛЕКСЕЕВА.