Хĕрлĕ Чутай спортсменĕсен делегацийĕ июнĕн 28-30-мĕшĕсенче Вăрнар районĕнче иртнĕ XIX Республикăри çуллахи ялти спорт вăййисене хутшăнса палăрма пултарнă.

Армреслинг ăмăртăвĕнче хăйĕн виçе категорийĕнче "Хастар" ФСК директорĕ Вячеслав Дадюков иккĕмĕш вырăн çĕнсе илнĕ. Çакăн пек çитĕнĕвех Раççей спорт мастерĕн кандидачĕ (кире спорчĕпе) Николай Борисов тунă. Хусанушкăнь ялĕнчи Швецовсен çемйи те республикăри ăмăртусене хутшăнса виççĕмĕш вырăна тивĕçнĕ. Хĕрлĕчутайсем утă çулакансен ăмăртăвĕнче те палăрнă. "Пилеш" ача садĕнче тăрăшакан Татьяна Петрова уйрăм ăмăртури çак программа тĕ сĕнче призерсен йышне кĕме пултарнă, иккĕмĕш вырăн йышăннă. Команда ăмăртăвĕнче вара Татьяна Николаевнăпа район администрацийĕн сотрудникĕ Алексей Матюшкин 3-мĕш степеньлĕ диплома тивĕçнĕ.

А.АЛЕКСЕЕВА.