Иртнĕ эрнере Комсомольски районĕнче регионсем хушшинчи "Выля, хуткупăс!" фестиваль-конкурс иртнĕ. Унта инструмент коллективĕсем, купăсçăсем, баянистсем, кураистсем, кубызистсем хутшăннă. Кашни хутшăнакан нацин темиçе произведенине тăратнă.

Хĕрлĕ Чутай район чысне Чăваш Республикин культурăн тава тивĕçлĕ ĕçченĕ, районти ветерансен халăх хорĕн хормейстерĕ Василий Романов тата Питĕркассинчи Культура çурчĕн заведующийĕ Георгий Ярлов хỹтĕленĕ. Купăсçăсем сцена çине чăваш халăхĕн "Йăс таканлă" юрăпа, "Пирĕн урам анаталла" темăн ва-риацийĕпе, "Тутар халăхĕн ташши", "Чăваш халăхĕн ташши" тата "Етĕрне районĕн ташши" кĕвĕсемпе тухнă. Жюри вĕсен пултарулăхне лайăх хак панă.

"Инструмент ансамблĕсем" номинацире Василий Романовпа Георгий Ярлов дуэчĕ пĕрремĕш вырăна тивĕçнĕ.

А.ВАСЮКОВА.