ЧР Патшалăх Канашĕн депутачĕ, Чăвашпотребсоюз Канашĕн председателĕ Валерий Павлов пуçарăвĕпе кашни çулах районта Çĕнĕ çул елки иртет. Кăçал та декабрĕн 26-мĕшĕнче Валерий Михайлович йĕркеленĕ уяв мероприятине сахал тупăшлă, социаллă хăрушлăхлă çемьесенчи 96 ача пухăннă. Вĕсем Хĕл Мучипе, Юр Пикепе тĕл пулнисĕр пуçне "Пилеш" ача сачĕн воспитателĕсем хатĕрленĕ юмах представленине курса савăннă, депутатран пылак парнесене тивĕçнĕ. Депутат елки кашни çулах çỹллĕ шайра иртет. Пĕлтĕр, сăмахран, ачасем Шупашкарти пуканесен театрĕн юмахне курса савăннăччĕ.