Ялхуçалăх предприятийĕсенчен сĕт суса илессипе "Коминтерн" ЯХПК кăçал та малта пырать. Хуçалăхăн пĕтĕмпе 420 пуç ĕне шутланать: Атнар ферминче - 100 пуç, комплексра - 320 пуç. Кăçалхи тăхăр уйăхра пĕтĕмпе 21135 центнер, пĕр ĕне пуçне вăтамран 5032 килограмм, сĕт суса илнĕ. Выльăх-чĕрлĕх пăхакансен кăçалхи тăхăр уйăхри ĕç ăмăртăвĕн кăтартăвĕсемпе килĕшỹллĕн дояркăсем хушшинче шăпах çак ялхуçалăх предприятийĕнче машинăпа ĕне сăвакан оператор Оксана Федорова "Районти чи лайăх доярка" ята тивĕçнĕ. Оксана Михайловна тăхăр уйăхра 331 тонна, пĕр ĕне пуçне вăтамран 5182 килограмм, сĕт суса илсе мала тухнă. Çакăншăн вăл район администрацийĕн Хисеп грамотине тивĕçрĕ.

А.ДМИТРИЕВА.