Ку хутĕнчи Пĕрлехи информаци кунĕн темисенчен пĕри - 2016 çулхи декабрĕн 12-мĕшĕнче Граждансене йышăнмалли Пĕтĕм Раççейри куна ирттересси. Асăннă кун граждансем Раççей Президенчĕн йышăну пỹлĕмĕсене, республикăри патшалăх тата вырăнти хăйтытăмлăх органĕсене ыйтусемпе тухма пултараççĕ. Йышăнăва кайнă чухне граждансен пĕрле паспорт илмелле. Кăçал Граждансене йышăнмалли кун тăваттăмĕш хут иртет. Унăн тĕллевĕ - халăхăн ыйтăвĕсене татса парасси. Хаклă ентешсем, хăвăра хумхантаракан ыйтăвăрсене пирĕн пата çитерĕр. Эпир сирĕнпе пĕрле пулса ыйтăвăрсене татса пама пулăшăпăр.

Вячеслав ОРИНОВ, ЧР культура министрĕн çумĕ.