Октябрĕн 7-мĕшĕнче Шупашкарти В.Н.Кочков ячĕллĕ олимп резервĕсен 5-мĕш спорт шкулĕнче Иван Галкин, Иван Исаев тата Эдуард Григорьев тренер-преподавательсене асăнса ирĕклĕ майпа кĕрешекенсен уçă турнирĕ иртнĕ. Вăйлисен титулне çĕнсе илессишĕн унта республикăри хуласемпе районсенчи тата Тутар Республикинчи 180 çамрăк спортсмен тупăшнă.

Кĕрешỹ кавирĕ çинче пысăк конкурентлăха пăхмасăр район спортсменĕсенчен Вадим Иванов (тренер-преподавателĕ Петр Кузьмин) вăйлисен йышне кĕме пултарнă. Вăл 32 килограмм таякан спортсменсем хушшинче виççĕмĕш вырăн çĕнсе илнĕ.

А.ЗАМУТКИНА.