Ыран черетлĕ Пĕрлехи информаци кунне ирттерме пирĕн района тĕп хуламăртан Чăваш Республикин культура министрĕн çумĕ В.Н.Оринов ертсе пыракан информаци ушкăнĕ килсе çитет. Информаци ушкăнĕсем пайланса районти ял тăрăхĕсене, ĕç коллективĕсене çитĕç.

Информаци кунĕ районти кашни ял тăрăхĕнчех 10 сехетре пуçланать. Ял çыннисем унта хутшăнса хăйсене хум-хантаракан ыйтусем пама пултараççĕ. Информаци кунĕнче 2017 çулта пенсие индексацилесси, пурăнмалли çурт-йĕрпе коммуналлă хуçалăх объекчĕсене хĕле хатĕрлесси тата Раççей Федерацийĕн Федераллă Пухăвĕн Патшалăх Думин тата Чăваш Республикин Патшалăх Канашĕн депутачĕсен суйлавĕ пирки калаçĕç.