Чăваш наци конгресĕн районти уйрăмĕн пуçарăвĕпе йĕркеленĕ "Чи пултаруллă асанне-2015" конкурсăн пĕтĕмлетĕвĕ ноябрĕн 30-мĕшĕнче районти Культура çуртĕнче иртнĕ. Чи лайăх асанне-кукамай ятне çĕнсе илессишĕн пиллĕкĕн тупăшнă. Вĕсене сумлă жюри - ЧНК-н вице-президенчĕ Петр Ивантаев, ЧНК Правленийĕн членĕ Елена Османова, райпо Правленийĕн председателĕ Валентина Васькова, райадминистрацин вĕренỹ пайĕн начальникĕ Татьяна Шереметьева - хакланă. Хĕрỹ тупăшура районти "Чи пултаруллă асанне-2015" ята Ачкасси ял тăрăхĕнчи Галина Ямброськина тивĕçнĕ. Иккĕмĕш вырăна Хĕрлĕ Чутай ял тăрăхĕнчи Галина Тверскова тухнă, виççĕмĕшне - Штанаш ял тăрăхĕнчи Светлана Соловьева. Хусанушкăнь ял тăрăхĕнчи Елена Кириллова "Чи сăпайлă асанне" ята тивĕçнĕ, Атнар ял тăрăхĕнчи Галина Индейкина - "Чи ĕçчен асанне" номинацире палăрнă. А.КАРПОВА.