Çакна тĕпе хурса район администрацийĕн вĕрентÿ пайĕн психологипе педагогика пулăшăвĕн центрĕ сентябрĕн 29-мĕшĕнчен пуçласа октябрĕн 9-мĕшĕччен наркотиксене хирĕçле кино эрни ирттерме йышăннă. Унăн тĕллевĕ – çул çитменнисемпе çамрăксене наркотиксемпе усă курма чарасси, вĕсем хушшинче сывă пурнăç йĕркине сарасси, канăва усăллă ирттерме пулăшасси.

Психологипе педагогика пулăшăвĕн центрĕ районти пур шкулсенче те “В прятки со смертью”, “Поймать обезьяну”, “Вкус сыра из мышеловки”, “Билет в один конец” кинофильмсене кăтартма сĕнет. Хыççăн калаçу йĕркелемелле, 7-11-мĕш классенче вĕренекенсемпе “Наркотиксемпе иртĕхни – сывлăхшăн хăрушă” темăпа анкетировани ирттермелле.