. Вăл ялти чи аслă çын. Хисеплĕ ватăна, салтак арăмне, вăрçă нушине чăтса ирттернĕ хĕрарăма нумаях пулмасть иртнĕ ял уявĕнче Хĕрлĕ Чутай ял тăрăхĕн администрацийĕ саламланăччĕ ĕнтĕ. Ĕнер вара Наталья Николаевнăна ачисемпе мăнукĕсем, кĕçĕн мăнукĕсем, йышлă тăванĕсемпе ял-йыш 100 çулхи юбилей ячĕпе саламларĕç. Çавăн пекех кинемее районти социаллă хÿтлĕх пайĕн, РФ Пенси фончĕн районти уйрăмĕн, ЗАГС пайĕн представителĕсем çирĕп сывлăхпа канлĕ ватлăх сунса парнесем пачĕç.