Футболла выляса
Мăн Этмен вăтам шкулĕн стадионĕнче районти Суперкубокшăн футбол матчĕ иртрĕ. Унта район чемпионĕ Хĕрлĕ Чутайри “Спортинг” тата Кубок çĕнсе илнĕ Уйпуçĕнчи “Тайфун” командăсем тĕл пулчĕç.
Палăртнă вăхăт никам та çĕнтерейменнипе, 2 : 2 шутпа вĕçленчĕ. Çавна май судья 11 метртан пенальти тапма ирĕк пачĕ. Кунта вара “Спортинг” ăнăçу турĕ – 9 : 8. Çĕнтерÿ голне команда вратарĕ Александр Мидейкин тапса кĕртрĕ.
Августăн 24-мĕшĕнче районăн пĕрлештернĕ футбол команди “Резон” хăнара малта пыракан “ФК – Ибреси” командăна 2 : 5 шутпа выляса янă. Апла пулин те вăл республикăра мала тухассишĕн пыракан вăйăна малалла хутшăнать. Хальхи вăхăтра пирĕн футболистсем турнир таблицинче тăваттăмĕш вырăнта.
"Пирěн пурнăç"