Ĕç çи хире чĕнет
Анат Çĕрпÿкассинче çурхи культурăсене акма пуçланă. Хуçалăх ĕçченĕсем урпа ани çинче тимлеççĕ.
Кăçал “Свобода” колхоз ĕçченĕсем пĕрчĕллĕ тата пăрçа йышши культурăсене 300 гектара яхăн акма палăртаççĕ. Выльăх кăшманне 8 гектар лартмалла. Кĕр калчисем 125 гектар йышăнаççĕ.
– Техника тĕлĕшĕнчен чăрмав пулмĕ. Акмалли-сÿрелемелли агрегатсем çĕнĕ. Топливо çителĕклĕ кÿнĕ. Акана вăраха ямасăр, пахалăхпа ирттерме шутлатпăр, – терĕ колхоз председателĕ В.Бромбин.
"Пирěн пурнăç"