Темисем çаксем: «Налуксене тÿлемелле е çук;», «Налуксем общество пурнăçĕнче», «Эпĕ – пулас налук тÿлекен», «Налук инспекторĕ пуласшăн, мĕншĕн тесен...».

Конкурса çакăн пек ыйтусене тивĕçтерекен сочиненисене йышăнаççĕ:

- ĕçе пĕччен пурнăçламалла, коллективпа хатĕрленине пăхса тухмаççĕ;

- сочинени калăпăшĕ, титул хутне шутламасăр, пичетлени 5 страница (полясем: 20 мм – сулахайри, 10 мм – сылтăмри, 20 мм – çÿлти, 20 мм – аялти; шрифчĕ – 12, Times New Roman), алăпа çырни 10 страница таран пулмалла;

- титул хучĕ çинче шкул номерĕпе ячĕ, темăн тулли ячĕ, конкурсантăн хушамачĕ, ашшĕ ячĕ тата ячĕ, çул ÿсĕмĕ, унăн телефонĕ тата ăçта пурăнни, сочинени хатĕрленĕ чухне пулăшнă преподавателĕн хушамачĕпе ашшĕ ячĕ тата ячĕ.

Конкурса кăçалхи май уйăхĕн 12-мĕшĕнче ятарласа йĕркеленĕ комисси пĕтĕмлетет. Ун йышĕнче: çÿлерех асăннă Управленин, ЧР Вĕрентÿпе çамрăксен политикин министерствин, республикăри налук ĕçченĕсен профсоюзĕн Комитечĕн, Чăваш республикин вĕрентÿ институчĕн вырăс чĕлхипе литература кафедрин представителĕсем.

Конкурс пĕтĕмлетĕвĕсене республика хаçачĕсенче пичетлĕç, телевиденипе тата радиопа пĕлтерĕç, Управленин официаллă сайтне вырнаçтарĕç.

Сочиненисене çак адреспа йышăнаççĕ: 429040, Хĕрлĕ Чутай сали, Çĕнĕ урам, 8 çурт, налук тÿлекенсемпе, вĕсене регистрацилессипе тата учета илессипе ĕçлекен пайĕ.

Иртнĕ çулти пекех çĕнтерÿçĕсене хаклă парнесем кĕтеççĕ.