Ялта лавкка пурри вырăнта пурăнакансемшĕн питех те меллĕ. Акă, Кив Атикасси ялĕнчи лавкканах илер. Вăл ял варринче, çул хĕрринчех вырнаçнă. Иртен-çÿрене кирлĕ тавар туянма аван. Светлана Александровна Барминапа (вăл лавкка заведующийĕ) Алина Васильевна Давыдова сутуçăсем халăха таварпа тивĕçтерсех тăраççĕ, ĕç планне те кашни уйăхрах ăнăçлă тултарса пыраççĕ. Вĕсем пĕр-пĕринпе килĕштерсе ĕçлеççĕ, тавар туянакансене кăмăлпа кĕтсе илеççĕ. Лавккари сентресем яланах тулли, йĕри-тавра тирпейлĕх хуçаланать. Кăмăлпа ĕçлекен сутуçăсем патне халăх та хаваспах çÿрет.

– Хальхи вăхăтра апат-çимĕç таварĕсем ытларах сутăнаççĕ. Тупăшĕ те вĕсенчен нумайрах килет, – терĕç кунти сутуçăсем.