Выпускниксене «лейтенант» çар званийĕ параççĕ, вĕсем аслă професси пĕлĕвне илнине çирĕплетекен диплома тивĕçĕç. Диплом илнĕ выпускниксене оперативлă пайсен взвод командирĕсен должноçне, патшалăхăн питĕ кирлĕ объекчĕсене сыхлама шанаççĕ.

Çавăн пекех çăлтăрлă пакунсем çакма ĕмĕтленекен çамрăксем РФ Шалти ĕçсен министерствин Мускаври, Чулхулари, Самарăри, Саратоври, Шупашкарти вĕренÿ учрежденийĕсене вĕренме кĕме пултараççĕ. Кунта шалти ĕçсен пайĕнче «Юриспруденци», «Правăна сыхлакан ĕç-хĕл» тата «Суд экспертизи» специальноçсемпе ĕçлеме пултаракан специалистсене хатĕрлеççĕ.

Раççейри Шалти ĕçсен министерствин вĕренÿ учрежденийĕсенче куçăмлă майпа Раççейри хуть те мĕнле граждан та, 25 çул тултариччен, ăс пухма пултарать. Паллах, унăн вăтам пĕлÿллĕ тата çирĕп сывлăхлă пулмалла. Службăран татăлмасăр çар институчĕсенче вĕренме шалти ĕçсен органĕн сотрудникĕсен çеç ирĕк пур.

Калас пулать, шалти ĕçсен пайĕн ĕçченĕсен, çар службинче пулнă çамрăксен вĕренме кĕрес шанчăк питĕ пысăк.

РФ Шалти ĕçсен министерствин вĕренÿ учрежденийĕсене вĕренме кĕмелли документсене Хĕрлĕ Чутайри шалти ĕçсен пайĕнче хатĕрлеççĕ, шалти çарсен институчĕсене – Етĕрне тата Хĕрлĕ Чутай районĕсен çар ĕç комиссариатĕнче. Унăн адресĕ: Етĕрне хули, Красноармейски урамĕ, 5 çурт.

Направленипе вĕренме каяс ыйтупа вара районти шалти ĕçсен пайĕн кадрсен пайне (Хĕрлĕ Чутай сали, Çĕнĕ урам, 10 çурт, 13 пÿлĕм) çитмелле. Ку енĕпе çыхăннă ыйтусемпе 2-13-84 телефон номерĕпе шăнкăравлама пулать.