Район пуçлăхĕ А.И.Криков чăваш халăхĕн тата вырăнти йăла-йĕркесене упраса хăварас, ялти культура ĕçне вăйлатас енĕпе активлăх кăтартнă, республикăри, районти фестивальсене хутшăнса пултарулăхпа палăрса çитĕнÿ тунă культура ĕçченĕсене тав сăмахĕ каларĕ, В.Бармина (Çĕн Атикасси клуб администраторĕ), О.Тумандейкинана (Тихăнушкăнь), В.Оринова (Серенкасси) райадминистрацин Хисеп грамотипе чысларĕ, ЧР Президенчĕн стипендиачĕсене – М.Мамуткинана (тĕп библиотека методисчĕ), Н.Чубайкина (Питĕркассинчи библиотекарь), В.Молодейкинана (искусство шкулĕн преподавателĕ) çамрăксен премийĕн свидетельствине парса хавхалантарчĕ. Профсоюз рескомĕн Хисеп грамотине Л.Павлова, Н.Храмова, В.Стафик, Г.Матюшкина культурăпа кану центрĕн ĕçченĕсем, А.Моисеева, Э.Кузьмина, Е.Чубайкина библиотека ĕçченĕсем тивĕçрĕç.

Юлашкинчен районти тĕп библиотека ĕçченĕсемпе «Çын тата çут çанталăк» музей коллективĕ пысăк концертпа савăнтарчĕç.