Апрель уйăхĕ хальхинче ытти çулсенчипе танлаштарсан сивĕрех пулмалла. Малтанхи кунсенче лÿшкесе çумăр çăвĕ. Çурхи шывсем кĕрлесе юхĕç. Термометр уйăх пуçламăшĕнче 3-8 градус ăшă кăтартĕ, вуннăмĕш хыççăн 0 градусран та анса ларĕ, 5 градус сивĕпе танлашĕ. Апрель уйăхĕн вĕçнелле хĕвел вăйлăрах пăхĕ, ăшă кунсем парнелĕ. Кăнтăрла 10-15 градус, каçхине 5 градус ăшă пулĕ.

«Май уявĕсем йĕпе-сапаллă пулмĕç», – шантараççĕ «Чăваш Енри çанталăк» проектра. Кунсерен ăшăтса пырĕ, 17 градусран пуçласа 28-чченех хăпарĕ термометр юпи. Çав хушăрах çурхи кунсем ултавлă тенине те манмалла мар. Çĕмĕрт сивви те хăй çинчен аса илтерме пултарĕ. Çĕрлесерен тăм та ÿкĕ. Çу уйăхĕнче аслатиллĕ çумăр та пулĕ.