Хурт-хăмăр ăстисем канашларĕç
Çак кунсенче район администрацийĕн Пысăк залĕнче районти хурт-хăмăр ăстисен семинарĕ Иртрĕ. Унта хутшăннисем пĕр-пĕрин опычĕпе паллашрĕç, хальхи лару-тăру çинче чарăнса тăчĕç, çавăн пекех умри тĕллевсене пурнăçа кĕртме тĕрлĕ мероприятисем ирттерме йышăнчĕç.
Хурт-хăмăрçăсен семинарне Г.Лобастова зоотехник-хатĕрлевçĕ уçрĕ. Вăл пухăннисене суту-илÿпе хатĕрлев пункчĕ 2007 çулта мĕнле ĕçлесе пыни çинчен каласа кăтартрĕ. Андрей Данилов зоотехник вара вĕллесене утара кăларнă хыççăн мĕн тумаллипе паллаштарчĕ. А.Самышкин врач-эпизоатолог, Хĕрлĕ Чутай лесничествин тĕп лесничийĕ Э.Архалькин, хурт-хăмăр ĕрчетес енĕпе ĕçлекен республикăри агентствăн директорĕ Г.Максимов тата ыттисем те çĕнĕлĕхсемпе, наука çитĕнĕвĕсемпе паллаштарчĕç.
"Пирěн пурнăç"