Чи пултаруллисене – премисем
Вĕрентÿ тытăмĕнче çĕнĕ технологи вăй илсе пырать. Ача-пăча сачĕсенче тăрăшакан воспитательсем те инновациллĕ программăсемпе ĕçлеççĕ, шăпăрлансене тивĕçлĕ пĕлÿпе тĕрĕс воспитани парса ÿстерессишĕн тимлеççĕ.
Чи пултаруллисене хавхалантарсах пыраççĕ. Ку енĕпе райцентрти “Хĕвел” ача сачĕн коллективĕ ырă тĕслĕх кăтартать, унăн ĕçĕ курăмлă. Çакна коллектив район пуçлăхĕн 25 пин тенкĕпе танлашакан премине тивĕçни аванах çирĕплетсе парать. Çавăн пекех педагог тивĕçне чыслăн пурнăçлакан Л.П.Максимова (“Пилеш”), Е.С.Сармандейкина (“Пилеш”), Ю.Г.Матвеева (“Хĕвел”), Г.Н.Хораськина (Хăмарккари пуçламăш шкул-ача сачĕ), Л.Г.Чеблукова (Питĕркасси шкулĕ çумĕнчи ача сачĕ) воспитательсене творчествăлла ÿсĕм тунăшăн 5-шер пин тенкĕ парса чысланă.
"Пирěн пурнăç"