Милици ĕçченĕсене ачасем саламларĕç
Районти шалти ĕçсен пайĕнче ĕçлекен арçынсене Çĕршыв хÿтĕлевçин кунĕ ячĕпе «Пилеш» ача садне çÿрекен ачасем саламларĕç. Хĕр ачасемпе арçын ачасем патриотизмла юрăсем шăрантарнă, илемлĕ ташăсемпе савăнтарчĕç. Уяв пурин кăмăлне те кайрĕ. Милици ĕçченĕсем ачасене те парнесемсĕр хăвармарĕ. Уява пултарулăхĕпе пуянлатнă ачасене алă çупнине чылайччен итлеме пулчĕ.
Уяв малалла тăсăлнă май, милици ĕçченĕсене ШĔП-ĕн начальникĕ С.Х.Ефремов саламларĕ. Калас пулать, милици старшини, шалти ĕçсен пайĕн водителĕ – Валерий Васильевич Канцеляров ĕçри çитĕнÿсемшĕн «Милици отличникĕ» кăкăр паллине тивĕçрĕ.
"Пирěн пурнăç"