2007 çулта миграци службине ют çĕршыв çыннисемпе гражданлăх çуккисем 62-ĕн вăхăтлăха учета тăнă, 2006 çулта – 44, вĕсенчен ытларахăшĕ Украина çыннисем (пурĕ – 22-ĕн, 2006 çулта 11-ĕн пулнă).

Пĕлтĕр гражданлăх илекенсем 6-ăн пулнă (виçĕм çул – 8-ăн), вĕсен шутĕнче 18 çула çитмен 1 ача пулнă. 102-ĕн паспорт çине ача çурални пирки çыртарнă. Раççей Федерацийĕн гражданинĕн паспортне 12 уйăх хушшинче 2182-ĕн илнĕ, 2006 çулта – 1555, çак шутран 158-шĕ çухатнă паспортсене ылмаштарнă. 2080 çын хăй ăçта пурăннине регистрациленĕ, 2006 çулта ку хисеп 2109 пулнă. Регистраци учетĕнчен 778-ăн тухнă, 2006 çулта 905-ĕн. Иртнĕ çулталăкра 6 çын алимент тÿлеменшĕн шыравра пулнă.

Паянхи кун Раççейри миграци службин Чăваш Республикин Хĕрлĕ Чутай районĕнчи управленийĕ районта çуралса ÿснĕ, анчах гражданлăх илменнисене пулăшас тĕллевпе ĕçлет.