Çу кунĕсем - хĕрÿ тапхăр. Халĕ утă çи çитрĕ. “Санкинский” хуçалăхри ĕçченсем нумай çул ÿсекен курăксене çулаççĕ, типнĕ утта тĕркемлеме те пуçланă. Н.Нагоров механизатор 30 гектар çинчи курăка çулать, С.Утейкин пресс-подборщик агрегатпа кушăрханă утта тĕркемлесе пырать.

Сĕнтĕкçырмисем çанталăкăн ырă кунĕсемпе туллин усă курса обществăлла выльăх апачĕ çителĕклĕ туса илессишĕн ĕçлеç­çĕ.