“Единая Россия” партин членĕсем, партирен суйланнă депутатсем тăрăшнипе халăхшăн пĕлтерĕшлĕ чылай ыйтăва граждансем майлă татса параççĕ. Акă, асăннă парти пулăшнипе районта сахал мар ырă ĕç пурнăçланать: район шайĕнче “АПК аталанăвĕ”, “Вĕрентÿ”, “Сывлăх сыхлавĕ” тата “Раççей гражданĕсене - туянма май пур тата хăтлă çурт-йĕр” приоритетлă наци проекчĕсем пурнăçа кĕрсе пыраççĕ, асфальт çулсене сарас ĕç анлă сарăлса пырать, тĕслĕх библиотекăсем, пĕтĕмĕшле практика врачĕн офисĕсем уçăлаççĕ... Партин ĕçĕсем курăмлă.

Палăртмалла, нумаях пулмасть “Единая Россия” партин вырăнти уйрăмĕн отчетпа суйлав конференцийĕ иртнĕччĕ. Унта вырăнти политканашĕн çĕнĕ йышне суйласа çирĕплетнĕ. Калас пулать, вырăнти политканашĕн секретарĕ пулма А.И.Крикова, партин вырăнти уйрăмĕн райĕçтăвкомĕн ертÿçи пулма Л.П.Пудована суйланă.

Партин вырăнти политканашĕн çĕнĕ йышĕ малашне те ырă ĕçсем тăвасса, халăхшăн ĕçлессе шансах тăратпăр.