Çанталăк условийĕсем лайăхланса пынă май, уй-хирсенче ĕç шавĕ тăрать: механизаторсем акма çĕр хатĕрлеççĕ, теприсем хыççăнах тĕш-тырă акса пыраççĕ, кĕр калчисене минераллă удобренипе апатлантараççĕ... Акă, çурхи ака-суха ĕçĕсем “Коминтерн” ЯХПКра кал-кал пыраççĕ. Кунти çĕр ĕçченĕсем çуртрисене вăхăтра тата агротехника йĕркисене пăхăнса акса хăварассишĕн ырми-канми тăрăшаççĕ. Хуçалăхăн тĕп агрономĕ Н.Д.Воронов пĕлтернĕ тăрăх, майăн 18-мĕшĕ тĕлне, пĕрчĕллĕ тата пăрçа йышши культурăсене 300 гектар акса хăварнă, планпа 870 гектар шутланать. Кăçал выльăх апачĕллĕх пĕр çул ÿсекен курăксене 295 гектар акса хăварма палăртнă, ĕçе 100 гектар çинче пурнăçланă ĕнтĕ.

- Механизаторсем хăйсене шанса панă техникăсене юсавлă тытаççĕ, тухăçлă ĕçлеттереççĕ. Вĕсене ятран палăртас килет: И.Пономарев, Н.Степанов, М.Мадайкин, Ю.Туманкин, П.Вазиков, Ю.Волков, Н.Лаврентьев. Тырă акакансем те яваплăха туйса тимлеççĕ. Водительсем пирки те ыррине çеç каламалла. Вĕсем уй-хире минераллă удобренипе вăрлăх вăхăтра çитерсе тăраççĕ, хыççăн хăйсем те тырă акакансемпе пĕрле ĕçлеççĕ. Пĕтĕ­мĕшле илсен, çĕр пиçсе пырать çеç-ха. Трапай бригади (9 çын) ир пуçласа мĕн каçченех тĕш-тырă акассипе тимлет, Атнар бригади (6 çын) кĕр калчисене апатлантарать.

Çанталăк парсан çурхи