Кĕçнерни кун районти РОСТО (ДОСААФ) организацинче отчетпа суйлав конференцийĕ иртрĕ. Унта 2005-2006 çулсенче РОСТО организацин Канашĕ пурнăçланă ĕçсем çинчен В.Егоров председатель отчет туса пачĕ. Çавăн пекех вырăнти организацин Канашне, республикăри РОСТО организацин конференцине хутшăнма делегат суйларĕç.

Конференцинче тухса калаçакансем районти РОСТО (ДОСААФ) организаци малтанхи çулсемпе танлаштарсан, аталанса пынине, унта вĕрентÿпе материаллă базăна çирĕплетсех тăнине палăртрĕç. Паллах, организаци вăй илсе пынинче В.В.Егоров председателĕн тÿпи пысăк.