ЧР Вĕрентÿ министерствин кăтартăвĕсем тăрăх, «Вĕрентÿ» наци проекчĕ енĕпе ĕçлекен республикăри конкурс комиссине 469 учитель заявка тăратнă. Иртнĕ çулхи пекех вĕсенчен 112-шĕ РФ Президенчĕн 100 пин тенкĕпе танлашакан  грантне илĕç, тепĕр 30 педагогĕ ЧР Президенчĕн премине - 10 пиншер тенкĕ. Аса илтеретпĕр, пĕлтĕр РФ Президенчĕн грантне пирĕн районти Хĕрлĕ Чутай гимназийĕнчи Е.Орловапа Э.Романов педагогсем илчĕç. Кăçал  Президент гранчĕсене тивĕçме Мăн Этменти З.Г.Полозинапа Г.Г.Кукушкина учительсем, Хĕрлĕ Чутай гимназийĕнчи И.Е.Захаровапа В.А.Кудряшова, Çĕн Атикассинчи С.Н.Петрейкина, Питĕркассинчи Т.Я.Хохлова, Тралькассинчи Н.В.Ермакова, Серенкассинчи А.И.Канцелярова тупăшăва хутшăннă.

Вĕренекенсене тарăн та çирĕп пĕлÿ пухма пулăшакан педагогсене ăнăçу сунатпăр.