Республика кунĕ умĕн, района - 80 çул, Хĕрлĕ Чутай салине 425 çул çитнине халалланă уяв умĕн район пуçлăхĕн А.И.Криковăн хушăвĕпе предприятисемпе учрежденисен ертÿçисен Хĕрлĕ Чутай салинче тирпейлĕхпе илем кÿрес тесе тĕрлĕ ĕçсем туса ирттермелле.

Иртнĕ кĕçнерни кун, мартăн 22-мĕшĕнче район пуçлăхĕн пĕрремĕш çумĕ А.П.Самылкин, район пуçлăхĕн çумĕ Т.Н.Шереметьева предприятисемпе учрежденисен ертÿçисемпе канашлу ирттерчĕç. Унта автовокзал представителĕ хутшăнманни те палăрчĕ. Канашлура предприятисемпе учрежденисен ертÿçисем умри тĕллевсене çитес вăхăтра пурнăçлас пирки каларĕç.