Мартăн 19-мĕшĕнче ача-пăча тата çамрăксен пултарулăхне хаклакан пĕтĕм тĕнчери конкурсăн районти тапхăрне пĕтĕмлетнĕ. Комисси членĕсем пĕр саслăн пулса ачасен çул ÿсĕмне кура çĕнтерÿçĕсене номинацисем тăрăх палăртнă. «Сан пирки, Раççейĕм» ÿкерчĕксен конкурсне Шулю, Çĕн Атикасси, Мăн Этмен, Мишеркасси шкулĕсенчи, Хĕрлĕ Чутай гимназийĕнчи ачасем хăйсен ĕçĕсене тăратнă. «Манăн юратнă тăван ен» номинацире Хĕрлĕ Чутай гимназийĕнчи Е.Сятрайкина, А.Захарова, Мăн Этмен шкулĕнчи Е.Полозина, Мишеркассинчи Ю.Михатайкина çĕнтернĕ, «Кремль - Раççей чĕри» номинацире - М.Храмова, «Ĕмĕтри тата чăн çул çÿрев» номинацире - А.Макарова.

«Ачасем тата кĕнекесем» конкурсра, “Çамрăк художниксем” номинацире, Мăн Этменти И. Краснова, Çĕн Атикассинчи М.Илюшина, Мишеркассинчи К.Васькова çĕнтернĕ. Асăннă вĕренекенсен ĕçĕсене республикăна тăратнă.

Каламалла, çак икĕ конкурсăн тĕллевĕсем те пĕр: ачасен творчествăлла ăсталăхне (ÿкерессипе) аталантарасси, художествăлла творчество енĕпе талантлă вĕренекенсене тупса палăртасси.