Хисеплĕ Ĕçпе вăрçă, çар тата тинĕс  флочĕн ветеранĕсем, хĕçпăшаллă Вăйсен воинĕсем!

Хисеплĕ Хĕрлĕ Чутайсем тата районăн хăнисем!

         Февралĕн 23-мĕшĕ – пĕтĕм халăх уявĕ. Унăн тĕп символĕ - Тăван ене, Çĕршыва пур енлĕн йăли-йĕркисене  пăхăнса упраса пынипе      çыхăннă. Тăван Çĕршыва хÿтĕлекенсен кунĕ – Хĕçпăшаллă вăйсенче тивĕçлĕ шайра службăра пулнă, пулакан тата хальхи вăхăтри çар çыннин тивĕçне пурнăçлакансен уявĕ.

Çак кун кашни çемьере, килте  аслашшĕсен, ашшĕсен паттăрлă кун-çулне аса илеççĕ. Вăрçă хирĕнчен таврăнайманнисем умĕнче пуç таяççĕ. Вĕсен патриотизм туйăмĕ, çирĕп кăмăллăхĕ çамрăксемшĕн ырă тĕслĕх пулмалла.

Районти мĕн-пур халăх ячĕпе, хăйсен пурнăçне шеллемесĕр тăнăçлăх парнеленĕ ветерансене чун-чĕререн тав тăвас килет. Çавăн пекех пĕтĕм кăмăлтан, çар çыннин профессине суйланă  яшсене саламлас килет. Патшалăх интересĕсене хăйсен постĕнчен хÿтĕлесси – вĕсен тÿрĕ тивĕçĕ.

Уяв ячĕпе пурне те çирĕп сывлăх, телейпе çителĕклĕ пурнăç, вăй-хăват сунатăп.

Район пуçлăхĕ                                           А.И.Криков