Ĕçлев кодексĕнчи саккунсене пăхăнмалла тата пурнăçламалла. Предприятисемпе организацисенче ĕçлев условийĕсем саккуна тивĕçтереççĕ пулсан, производство кăтартăвĕсем те пысăкрах пулаççĕ тенипе килĕшес килет.

Ĕçлев кодексĕнчи саккунсене пăхăнмалла тата пурнăçламалла. Предприятисемпе организацисенче ĕçлев условийĕсем саккуна тивĕçтереççĕ пулсан, производство кăтартăвĕсем те пысăкрах пулаççĕ тенипе килĕшес килет.

Ĕç сыхлавĕн тĕп лозунгĕ - “Малтан хăрушсăрлăх, унтан ĕç”. Çак тĕллеве тытса пырса республикăра кашни çулах январь уйăхĕнче ĕçлекенсене тивĕçлĕ условисемпе тивĕçтерессипе смотр-конкурс ирттереççĕ. Çак тапхăрта ĕç вырăнĕсенче саккуна мĕнле пурнăçланине тĕрĕслеççĕ тата пăснă тĕслĕх­сене тупса палăртаççĕ. Смотр-конкурс чылай çитменлĕхсене пĕтерме пулăшасса шанас килет. Сăмах май, 2006 çулта районти производствăра 4 инкек пулнă, вĕсенчен пĕри йывăррисен шутĕнче.

Палăртмалла, район тăрăх илсен, территоринче пурĕ 67 предприяти-организаци шутланать. Енчен те предприятире 100 çын е ытларах ĕçлет пулсан, ĕç сыхлавĕн специалисчĕ пулмалла. Анчах та  ĕç сыхлавĕпе пур çĕрте те йĕркеллĕ теме çук: ĕç çыннисем пурте медицина тĕрĕслевĕ витĕр тухман, ĕç сыхлавĕн специалисчĕсем пĕлĕве ÿстермен тата ытти те.

Иртнĕ çул ку енĕпе çитменлĕхсене тупса вĕсене кĕске вăхăтра пĕтерес тĕлĕшпе Координаци канашĕн ларăвĕсене ирттернĕ, апрель уйăхĕнче ĕç вырăнĕсенче йĕрке тăвассипе, ĕçлев саккунĕсене пăхăннине тĕрĕслессипе уйăхлăх йĕркеленĕ, чылай предприяти-организацисене çитсе унти ертÿçĕсемпе, ĕç сыхлавĕн специалисчĕсемпе тĕл пулса калаçнă, методикăпа практика пулăшăвĕ панă. Ĕçлев кодексĕнчи саккунсене лайăх пурнăçласа пыракан хуçалăхсене палăртса, çитменлĕхсене кăтартса статьясем те сахал мар пичетленчĕç.