Чăваш Республикин Вĕрентÿ министерстви обществăра сăпайлăх, ăш пиллĕх енĕсене çирĕплетес, çамрăк ăрăва обществăн çивĕч ыйтăвĕсене татса парас ĕçе хутшăнма хавхалантарас тĕллевпе октябрĕн 1-мĕшĕпе декабрĕн 14-мĕшĕччен республикăра «Эпĕ пурăнакан тĕнче» социаллă проектăн конкурсне ирттерме йышăннă. Конкурса хутшăнакансен виçĕ темăран пĕрне суйласа илсе проект ĕçĕ хатĕрлемелле пулнă.

Тупăшăва хутшăнма заявка тăратнă Питĕркасси шкулĕнчи 10-11-мĕш классенче вĕренекен ултă ача тата М.Вазинапа Л.Жукова учительсем «Раççей халăхĕн культури» темăна суйласа илсе «Эпир мĕнле йăхран;» ятпа проект ĕçĕ хатĕрленĕ. Ыран вара вĕсем хăйсен проект ĕçне Шупашкарта хÿтĕлĕç. Ăнăçу сунатпăр сире!