Хĕллехи тапхăрта ĕне выльăхран продукци илессине чакармалла маррине кашни ăнланать. Сăвăм тăрăх илсен, районти ял хуçалăхĕсен ĕне фермисенче, декабрĕн 1-мĕшĕ тĕлне, кашни ĕне талăкра вăтамран 6,1 килограмм сĕт антарнă, пĕлтĕр çак тапхăрта 5,9 пулнă. Çав хушăрах “Свобода” колхозри дояркăсем талăкра кашни ĕнерен 11,2 килограмм сĕт суса илеççĕ, “Коминтерн” - 10,3, “Аккозинский” - 8,5. “Нива”, “Победа”, “Асамат” хуçалăхсенче, “Мочковашский” фермер хуçалăхĕнче вара продукци илесси районти вăтам кăтартуран та пĕчĕкрех. “Сура” ЯХПК-ри ĕнесем вара качака чухлĕ те сĕт параймаççĕ, кунта 2 килограмм сĕт суса илеççĕ, “Путь Ильича” - 2,2, “Искра” - 2,7 килограмм. Хуçалăх ертÿçисен, фермăри специалистсен продукцие ÿстересси пирки хытах шухăшламалла.