Иртнĕ кĕçнерни кун Вĕрентÿ министерствин “ЮНИТЭКС” центрĕ йĕркеленипе вĕренекенсем хушшинче шахматла выляссипе республикăри финалти ăмăртусем иртнĕ. Финалта Элĕк, Красноармейски, Муркаш, Çĕрпÿÿ, Шупашкар, Шăмăршă, Елчĕк, Тăвай районĕсенчи, Шупашкар, Улатăр, Çĕнĕ Шупашкар, Çĕмĕрле хулисенчи ăста та пултаруллă шахматистсем хутшăннă. Пирĕн район спортсменĕсем те: Атнар шкулĕнчи А.Савельев, Хĕрлĕ Чутай гимназийĕнчи К.Коршуновпа А.Долгов, Шулюри Н.Рябиковапа А.Храмова хĕрÿ тупăшусенче хăйсен пĕтĕм ăсталăхне кăтартнă, тăваттăмĕш вырăна тухнă. Районти чи лайăх шахматистсемпе эпир мухтанатпăр.