Тралькасси библиотеки 1995 çулта уçăлнă. Вăл вăхăтра кунта 355 кĕнеке çеç пулнă. Кăçалхи октябрĕн 1-мĕшĕ тĕлне вара вулавăшра 5 пин майлă экземпляр шутланать. Вулакансен йышĕ 478па танлашать, вĕсем 9 уйăх хушшинче 8236 кĕнеке илсе вуланă.

Октябрĕн 26-мĕшĕн­че кунти библиотека тĕслĕх вулавăш пулса тăчĕ. Халĕ вулавăшра çĕнĕ технологи, компьютер та пур, кĕнеке çÿлĕкĕсем те пуян. Паллах, тĕслĕх библиотекăна малашне вулакансем те ытларах çÿрĕç. Тралькасси шкулĕнче вĕренекен Катя Падюкова та тĕслĕх библиотекăпа тачă çыхăну тытма шутлать. Уроксем хыççăн вăл кунталла çул такăрлатĕ.