“АПК аталанăвĕ” приоритетлă наци проекчĕпе усă куракансем районта нумайланса пыраççĕ. Июлĕн 13-мĕшĕ тĕлне вĕсен хисепĕ 214-па танлашать.

Хусанушкăнь ял тăрăхне кĕрекен Иккĕмĕш Хурашашри Кольцовсен çемйи - килти хушма хуçалăха аталантарма паракан кредита илекенсенчен пĕри. Юрий Валериевичпа Лариса Геннадьевна иккĕшĕ те “Победа” ЯХПК-ра вăй хураççĕ. Рынок экономикинче ĕçчен, çаврăнăçуллă пулмаллине туяççĕ вĕсем, çавăнпа та килти хушма хуçалăха аталантарма 80 пин тенкĕлĕх çăмăллăхлă кредит илнĕ. Çак укçапа 3 ĕнепе 1 пушмак пăру туяннă. Паянхи кун вĕсен хуçалăхĕнче 5 ĕне, 1 пушмак пăру, 5 вăкăр тата 2 сысна. Хăйсем пухнă укçа-тенкĕпе вара Кольцовсем ĕне сумалли аппаратпа мотоблок илнĕ.

Халĕ Кольцовсен çемйи кашни кун патшалăха сĕт парать, çемье бюджетне пуянлатать.