“Чăваш Республикин халăхне 2005-2008 çулсенче пахалăхлă ĕçмелли шывпа тивĕçтересси” республика программи районта пурнăçа кĕме тытăнчĕ. Паянхи куна илсен, Ишеккасси ялĕнче шыв пăрăхĕсене хывма пуçланă, çак кунсенче башня та вырнаçтарма палăртнă. Çавăн пекех Ачкассинче “Таса шыв” программăна пурнăçлассипе ĕç пырать. Урикасси ялĕнче ЧР Президенчĕн Указне вăя кĕртес тĕллевпе артезиан скважинине алтнă, шыв пăрăхĕсене хывнă, башня та лартнă. Калас пулать, çак виçĕ ялта та “Строймонтаж” ТЯО ĕçченĕсем тимлеççĕ. Эпир Урикасси ялĕнче ĕçлĕ çул çÿревре пулнă кун çав организацин ĕçченĕсем башня йĕри-тавра тытнă карта юписене сăрлатчĕç, территорие тирпейлетчĕç.

“Ĕçмелли шыв” программăна пурнăçа кĕртес тĕллевпе ĕçе пуçăннă-ха, анчах тăрăшмалли тата пайтах. Уйрăмах ял тăрăхĕсен пуçлăхĕсен ку енĕпе ĕçлемелле. Вĕсен хăйсен территорийĕнчи ялсене шыв кĕртме лицензи илмелле. Ку ĕç вара вăрах пырать-ха.