Райадминистрацин информатизаци пайĕ çумĕнче 2004 çултанпа район халăхне Интернетпа усă курма май паракан, тĕрлĕ информаципе тивĕçтерекен центр ĕçлет. Кăçалхи 6 уйăх кăтартăвĕсене тишкерсен, Чутай çыннисем кунта çÿреме юратни сисĕнет. Пĕтĕмпе 478 çын 619 сеанс ирттернĕ, вĕсенчен 190-шĕ пĕрмаях кунта çÿрекенсем пулнине асăнмалла. Калас пулать, тĕрлĕ организацисенчи 51 çын, 199 муниципаллă ĕçчен, 5 предприниматель, 67 студент, 158 вĕренекен пурĕ 1119 сехет хушши Интернетпа усă курнă.

Чутайсене ытларах район администрацийĕн, Чăваш Республикин ытти районĕсен тата ял тăрăхĕсен, министерствăсемпе ведомствăсен сайчĕсем, Microsoft Word, Power Point программăсем, “Гарант” шырав системи интереслентернине палăртмалла.