Иртнĕ эрне кун, апрелĕн 21-мĕшĕнче, райадминистрацин ларусем ирттермелли Пысăк залĕнче районти хĕрарăмсен Канашĕн конференцийĕ иртрĕ. Ун ĕçне район  администрацийĕн пуçлăхĕ А.И.Криков хутшăнчĕ. Александр Иванович малтанах районти лару-тăрупа паллаштарчĕ, унтан Раççей профсоюзĕ 100 çул тултарнă ятпа райадминистрацин экономика пайĕн специалистне Любовь Сергеевна Стафика, ЗАГС пайĕн начальникне Елена Сергеевна Барышникована Хисеп грамотисемпе чысларĕ, райадминистрацин йĕркелÿ пайĕнче тăрăшакан Альбина Михайловна Столярована “Ĕç ветеранĕ” удостоверени парса саламларĕ.

Кун йĕркипе килĕ­шÿллĕн, пухăннисем президиума райадминистраци пуçлăхĕн пĕрремĕш çумне Т.Н.Шереметьевана, Е.С.Барышникована, А.М. Столярована, секретариата ЗАГС пайĕн специалистне З.В.Маркована, районти вĕ­рентÿ пайĕн çамрăксемпе ĕçлекен тĕп специалистне А.В.Белована, райпон тĕп экономистне З.Л.Самылкинана суйларĕç. Унтан залра ларакансем районти хĕрарăмсен Канашĕн йышне 25 çынран çирĕплетрĕç, Шупашкарти хĕрарăмсен Канашĕн 14 съездне хутшăнма  райадминистраци пуçлăхĕн пĕрремĕш çумне Т. Н.Шереметьевана, районти статистикан тĕп специалистне Н.В.Чишкинана, Мăн Этмен шкулĕн учительне Г.Г.Кукушкинана, райпон тĕп экономистне З.Л.Самылкинана, Атнар шкулĕн директорне Г.Д. Тимофеевана, ЗАГС пайĕн начальникне Е.С.Барышникована, Питĕркасси тăрăхĕн специалистне Т.Ф.Бродюкована, Штанаш тăрăхĕн хĕрарăмсен Канашĕн председательне В.Н.Парикована суйларĕç. Районти хĕрарăмсен Канашĕн председателĕ пулма Татьяна Николаевна Шереметьевана шанчĕç.