Январĕн 9-мĕшĕнче Чăваш патшалăх пуканесен театрĕнче республикăри вырсарни шкулĕсем хушшинче Христос çуралнă куна халалласа II-мĕш фестивалĕ иртрĕ. Унта республикăри 11 вырсарни шкулĕ, уйрăмах хуласенчисем, хутшăнма кăмăл тунă. Фестивале районти вырсарни шкулĕнче вĕренекенсем те хутшăннă. Николай аттепе Ирина матушка тăрăшнипе вĕсен  вĕренекенĕсем - Дашапа Александр Спиридоновсем, Александра Фондеркинапа Валентина Гаврилова, Света Шачковапа Оля Вадейкина, Женя Васильевпа Катя Коршунов “Сказание о Рождестве господа Иисуса Христа о проклятом царе Ироде и его ужасной смерти” ятлă спектакль лартса панă, сăвăсем каланă, юрăсем шăрантарнă. “Театр тĕлĕшĕнчи пултарулăхпа паллаштарасси” номинацире Хĕрлĕ Чутайри вырсарни шкулĕ 1-мĕш вырăн çĕнсе илме пултарнă. Сăмах май, ачасем пукане театр артисчĕсенчен пĕрре те кая мар вылянă, çипуçĕсене те хăйсемех ăсталанă.