Хĕрлĕ Чутайри çăкăр завочĕ Кăларакан çăкăр-булка изделийĕсемпе район çыннисем кăмăллă. Юлашки вăхăтра коллектив продукции пахалăхне палăрмаллах ỹстерчĕ. Завод çумĕнчи «Вĕри çăкăр» лавккара халăх яланах йышлă пулнине курма пулать. Сăмах май, вăл çу кунĕсенче ирхине 6 сехетрен пуçласа 22 сехетчен ĕçлет. Туса кăларнă продукции калăпăшĕ самай ỹснине палăртмалла. Ултă уйăхри кăтарту 109,7 процентпа танлашать. Паян заводран 50 тĕслĕ ытла тĕрлĕ продукции тухать. Çăкăр-булка изделийĕсене кăларасси 118,1 процент, типĕтнĕ изделисем 118,7 процент ỹснĕ. Паллах, ỹсĕм хăй тĕллĕн пулмасть. Ертỹçи - В.С. Кузьмин рабочисемпе те , инженерла-техникла ĕçченсемпе пĕр чĕлхе тупнă.Оборудованине лайăх пăхса тăраççĕ, вăхăтра çĕнетеççĕ. Ĕç технологине çирĕп пăхăнса